Викенд прогноза: Ветер и облаци во сабота, сонце во недела
10/10/2025 11:53
За време на овој викенд, времето во Македонија ќе биде променливо, со повеќе облаци и повремени слаби врнежи од дожд, особено во сабота (11 октомври). Според прогнозите, најизразени врнежи ќе има во Повардарието и источните предели, каде што ќе дува засилен, повремено силен северен ветер со брзина која локално може да надмине и 60 километри на час.
Во недела (12 октомври) се очекува стабилизирање на времето – ќе има повеќе сончеви периоди и значително послаб ветер.
Во Скопје и околината, саботата ќе биде ветровита со северен ветер што повремено ќе достигнува над 60 км/час, додека неделата ќе донесе потопло и посмирено време.
Температурите за време на викендот ќе се движат од 4 до 11 степени наутро, а дневните максимуми во сабота ќе достигнуваат меѓу 13 и 21 степен. Во недела, температурите ќе бидат нешто повисоки – од 15 до 22 степени.
Во Скопје, утринските температури ќе се спуштаат до околу 10 степени, додека дневните ќе достигнат до 18 степени во сабота, односно до околу 21 степен во недела.
![promenlivo[1]](https://mkinformer.com/wp-content/uploads/2021/05/promenlivo1.jpg "Денеска променливо облачно со сончеви периоди, попладне можни дожд и грмежи")
