🏛️ ДИК потврди: Тројца нови пратеници ќе ги заменат избраните градоначалници
03/11/2025 18:11
Државната изборна комисија (ДИК) денеска на седница заклучи дека Александра Николовска, Мартин Стојановски и Мито Андонов се новите пратеници во Собранието на Република Северна Македонија, кои ќе ги заменат Бети Стаменковска Трајковска, Јане Мицевски и Дејан Проданоски, избрани за градоначалници на последните локални избори 2025.
Претседателот на ДИК, Борис Кондарко, појасни дека тројцата нови пратеници се назначени според редоследот на кандидатската листа на коалицијата „Твоја Македонија“, предводена од ВМРО-ДПМНЕ.
– „Пред Мартин Стојановски на листата е Игор Никовски, но тој писмено ја извести Комисијата дека не го прифаќа мандатот, поради што Стојановски го наследува неговото место,“ изјави Кондарко.
ДИК ќе го информира Собранието за донесената одлука, а трите нови пратенички мандати ќе бидат верификувани на следната пленарна седница.
Претходно денеска, Собранието констатира дека им престануваат мандатите на досегашните пратеници:
Бети Стаменковска-Трајковска, избрана за градоначалник на Општина Кисела Вода,
Јане Мицевски, нов градоначалник на Општина Сопиште,
Дејан Проданоски, избран за градоначалник на Општина Прилеп.
– „ДИК констатира дека пратеници во Собранието за остатокот од мандатот ќе бидат Александра Николовска и Мартин Стојановски од Изборна единица 1, и Мито Андонов од Изборна единица 4“, изјави Кондарко.
Државната изборна комисија (ДИК) денеска на седница заклучи дека Александра Николовска, Мартин Стојановски и Мито Андонов се новите пратеници во Собранието на Република Северна Македонија, кои ќе ги заменат Бети Стаменковска Трајковска, Јане Мицевски и Дејан Проданоски, избрани за градоначалници на последните локални избори 2025.
