Две девојки го намамиле во мотел, а двајца мажи го натепале и му одземале пари

⚖️ Обвинителство со нова истрага

Основното јавно обвинителство Скопје поведе истрага против четири лица – двајца мажи и две жени – за кривично дело разбојништво според член 237 од Кривичниот законик.
Осомничените, делувајќи во група и со употреба на сила, му одзеле 200.000 денари, мобилен телефон и лични документи на едно лице.

🏨 Разбојништво во двор на мотел

Според обвинението, на 30 октомври, оштетениот отишол во мотел во Скопје заедно со една од осомничените жени.
Таа му предложила да повика уште една девојка, а кога пристигнала и втората, заедно го убедиле да одат во „поубав и поевтин хотел“.

Кога излегле од собата, во темниот двор ги пречекале двајца мажи кои биле во договор со жените.
Тие го нападнале оштетениот со боксови по главата и телото, по што му ги земале парите, телефонот и личната карта.

🚨 Притвор и потрага

Јавниот обвинител доставил предлог до судијата на претходна постапка за определување мерка притвор за сите четворица осомничени, поради опасност од бегство и можност за повторување на делото.
За една од жените која е во бегство, притворот ќе почне да важи по нејзиното пронаоѓање и лишување од слобода.

Share on Facebook

Tweet

Follow us

Save