Украински пратеник го објави мировниот план од САД за Украина – 28 точки со безбедносни и територијални предлози
21/11/2025 13:05
Украинскиот пратеник Алексеј Гончаренко ја објави верзијата на наводниот мировен план што, според него, САД го доставиле до Киев оваа недела. Документот, составен од 28 точки, предвидува детална рамка за прекин на непријателствата меѓу Украина и Русија, како и политички, безбедносни, економски и територијални решенија.
Претходно, кабинетот на претседателот Владимир Зеленски потврди дека навистина добиле нов нацрт-предлог од Вашингтон. Иако украинската страна не откри детали, соопшти дека е подготвена да разговара и дека, според американската оценка, нацртот може да помогне во обновување на дипломатските напори.
Основни точки од предлог-планот
🔹 Суверенитетот на Украина би бил официјално потврден, а Русија, Украина и Европа би склучиле договор за ненапаѓање. 🔹 Русија би се обврзала да не напаѓа соседни држави, а НАТО да не се проширува понатаму – вклучително и гаранција дека Украина никогаш нема да стане членка. 🔹 Украина би го впишала во Уставот нејзиниот неутрален статус, додека НАТО би внел одредба дека нема да ја прифати како членка. 🔹 Украинската армија би имала максимум 600.000 војници. 🔹 НАТО трупи не би се распоредувале во Украина, но европски борбени авиони би биле стационирани во Полска.
Безбедносни гаранции од САД
Американските гаранции би важеле под строго утврдени услови: – ако Русија ја нападне Украина, би следел координиран воен одговор и целосно враќање на санкциите; – ако Украина го нападне руската територија без причина, гаранциите би престанале да важат.
Економски пакет и обнова
Планот предвидува масивен економски и обнова-пакет за Украина: – формирање Фонд за развој, – модернизација на инфраструктурата, енергетиката и гасниот систем, – реконструкција на уништените градови, – користење минерални ресурси, – специјален пакет од Светска банка.
Реинтеграција на Русија во светската економија
Предлогот содржи и мерки за враќање на Русија во глобалните институции: – постепено укинување на санкциите, – нови заеднички економски договори со САД, – враќање во Г8, – создавање американско-руски инвестициски фонд.
Контроверзни територијални одредби
Најчувствителниот дел од документот се однесува на териториите: – Крим, Луганск и Донецк би биле фактички признаени како руски, вклучително и од САД. – Херсон и Запорожје би останале во „замрзнат статус“, поделени по тековната линија на контакт. – Украина би се повлекла од делови на Донецк што сè уште ги контролира, а тој простор би станал демилитаризиран и признат како дел од Русија. – Двете држави би се обврзале да не ги менуваат границите со сила.
Хуманитарни мерки и избори во Украина
Планот вклучува: – размена „сите за сите“ на заробеници, – враќање на сите деца и цивили пренесени во Русија, – формирање комисија за хуманитарни прашања.
Украина би организирала избори 100 дена по потпишувањето на договорот.
Завршни одредби
– Сите воени постапки од двете страни би биле предмет на амнестија. – Договорот би бил правно обврзувачки и надгледуван од Совет за мир под водство на Трамп. – По повлекувањето на силите на договорените позиции, примирјето би стапило на сила веднаш.
Украинскиот пратеник Алексеј Гончаренко ја објави верзијата на наводниот мировен план што, според него, САД го доставиле до Киев оваа недела. Документот, составен од 28 точки, предвидува детална рамка за прекин на непријателствата меѓу Украина и Русија, како и политички, безбедносни, економски и територијални решенија.
