Интервенција на полицијата во Центар: приведени двајца млади скопјани
30/11/2025 14:28
Две лица на возраст од 25 и 26 години се приведени синоќа во Скопје, откако на подрачјето на општина Центар го нарушиле јавниот ред и мир со меѓусебна физичка пресметка. Инцидентот се случил на 29 ноември 2025 година, непосредно пред полноќ, во 23:55 часот.
Полициските службеници од СВР Скопје интервенирале веднаш по пријавата и ги привеле учесниците во тепачката.
Од МВР информираат дека по целосно расчистување на случајот ќе следува соодветен поднесок.
