Голема полициска акција: Претреси во Арачиново, Чаир и други локации – пронајдено оружје и приведени 12 лица
10/12/2025 14:01
Полицијата рано утрово изведе координирана акција на повеќе локации во Скопје, насочена кон спречување недозволена трговија со оружје. Претреси биле спроведени во Арачиново, Мојанце, Сингелиќ, Чаир, Брест и Љуботен, при што, според првичните и неофицијални информации, биле откриени три автоматски пушк и, два пиштола, значајна количина муниција од различни калибри, како и пет моторни возила и повеќе мобилни телефони, кои се одземени за понатамошна обработка.
Неофицијално, приведени се околу 12 лица, а службите продолжуваат да работат на теренот и во текот на денот.
Акцијата ја потврдија и од Обвинителството за гонење на организиран криминал и корупција. Оттаму наведуваат дека претресите се изведени под раководство на јавен обвинител од ОЈО ГОКК, поради сомневање за дела поврзани со оружје и наркотични средства.
„Во текот на утрово полициски службеници под раководство на јавен обвинител од ОЈО ГОКК, извршија претреси на повеќе локации во Арачиново, Ченто, Брест, Инџиково и Чаир поради основи на сомневање за сторени кривични дела поврзани со оружје и дрога“, стои во дописот.
Од Министерството за внатрешни работи се очекува и официјално соопштение со повеќе детали за оваа акција.
Полицијата рано утрово изведе координирана акција на повеќе локации во Скопје, насочена кон спречување недозволена трговија со оружје. Претреси биле спроведени во Арачиново, Мојанце, Сингелиќ, Чаир, Брест и Љуботен, при што, според првичните и неофицијални информации, биле откриени три автоматски пушк и, два пиштола, значајна количина муниција од различни калибри, како и пет моторни возила и повеќе мобилни телефони, кои се одземени за понатамошна обработка.
