Градоначалникот на Кичево апелира на смиреност: Храната се доставува координирано

Градоначалникот на Кичево, д-р Александар Јовановски, преку објава на Фејсбук информира дека состојбата во општината постојано се следи и дека сите релевантни институции и општествено одговорни компании се активно ангажирани на терен.

„Под будно око ја следиме состојбата, додека сите релевантни субјекти и општествено одговорни фирми се активни и на терен“, напиша Јовановски.

Тој појасни дека доставувањето на храна се одвива непречено и исклучиво преку Кичево, во координација со Црвен крст-Кичево, со цел да се обезбеди контролиран и безбеден процес на дистрибуција.

Градоначалникот упати апел до граѓаните за смиреност, солидарност и одговорност, нагласувајќи дека во моментов приоритет е заштитата на здравјето и безбедноста на населението.

„Веднаш штом ќе се создадат услови, ќе дејствуваме со конкретни мерки, со цел ваквите појави во иднина да бидат сведени на минимум“, порача Јовановски.

Надлежните служби и понатаму остануваат во приправност, а состојбата во Кичево редовно се следи и проценува.

Објавата на Градоначалникот со видео од поплавениот дел на Кичево може да ја видите ТУКА

Share on Facebook

Tweet

Follow us

Save