Од утре нестабилно време: Дожд и засилен југоисточен ветер
03/02/2026 17:30
Oд утре во Македонија следува период на променливо облачно време со повремени локални врнежи од дожд со променлив интензитет, информираат од УХМР.
Според најавите, на повисоките планински подрачја врнежите ќе бидат од снег, што ќе донесе зимски услови на планините, особено во утринските и вечерните часови.
Ќе дува слаб до умерен ветер, а во текот на утрешниот ден се очекува негово повремено засилување од југоисточен правец. И покрај нестабилноста, метеоролозите прогнозираат постепен пораст на дневните температури.
Граѓаните се советуваат да ја следат најновата временска прогноза и да бидат внимателни при патување, особено кон планинските предели каде што може да има снег и намалена видливост.
