За 30 минути, распродадени сите билети за 54 Мајски оперски вечери
15/04/2026 20:25
54. издание на Мајските оперски вечери ќе се одржи на 9 мај 2026 година, а билетите за свеченото отворање на фестивалот се распродадени за само 30 минути, информираат од Националната опера и балет.
Огромниот интерес за настанот, според организаторите, ја потврдува позицијата на фестивалот како еден од најзначајните културни настани во земјава и во регионот.
Годинешното издание на Мајските оперски вечери нуди богат репертоар составен од познати оперски дела, меѓу кои:
„Риголето“
„Тоска“
„Мадам Батерфлај“
„Травијата“
„Набуко“
Од Националната опера и балет посочуваат дека интересот за останатите претстави се очекува да продолжи и дека публиката може да го погледне комплетниот репертоар и достапноста на билети на официјалната веб-страница на Операта. https://operabalet.mk/events/list/
Мајските оперски вечери претставуваат еден од најстарите и најпрестижните културни настани во Македонија, кој годинава го чека своето 54. издание.
