Ванс најави голем договор со Иран и економски стимул за Техеран
16/04/2026 10:55
Голем договор со Иран е целта кон која се движи администрацијата на американскиот претседател Доналд Трамп, изјави потпретседателот Џ.Д. Венс.
На настан во сојузната држава Џорџија, организиран од Turning Point USA, Венс порача дека Вашингтон не сака ограничен договор. Според него, целта е поширок политички и економски пакет.
Тој објасни дека таков голем договор со Иран би можел да му отвори на Техеран врата кон глобалната економија. За возврат, САД очекуваат прифаќање на јасни услови.
Во пакетот што се разгледува се споменуваат економски стимулации и можно ублажување на санкциите. На маса се и други економски олеснувања.
Американската страна, според изјавата, очекува Иран да го запре збогатувањето на ураниум. Се бара и прекин на поддршката за групи како Хамас, Хезболах и Хутите.
Меѓу можните мерки се споменуваат и енергетски договори. Во игра е и снабдување со материјали за цивилна нуклеарна програма.
Во меѓувреме, дел од американските функционери велат дека сè уште нема формален договор за продолжување на примирјето. Се споменува можност нови разговори да се одржат во Исламабад.
Засега, сепак, нема официјална потврда од Белата куќа. Портпаролката Каролин Левит демантираше дел од медиумските извештаи за формални барања за продолжување на примирјето.
Сепак, таа потврди дека контактите со Техеран продолжуваат. Според неа, во Вашингтон постои оптимизам дека е можен договор.
