Избегнувајте ги овие улици денес во центарот на Скопје поради „Атлетска трка 23-ти Октомври“
23/10/2026 10:09
Посебен режим на сообраќај денеска ќе има во центарот на Скопје поради одржувањето на „Атлетска трка 23-ти Октомври“, информира Министерството за внатрешни работи.
Трката започнува во 08:00 часот, а дел од сообраќајниците во централното градско подрачје ќе бидат опфатени со привремени ограничувања и пренасочување на сообраќајот.
Овие улици и делници ќе бидат опфатени
Стартот на трката е од парк „Жена Борец“, по што учесниците ќе се движат по улицата „11 Октомври“.
Потоа трасата продолжува преку плоштадот „Македонија“ и Камениот мост, а потоа по улицата „Иљо Војвода“.
Тркачите ќе продолжат по тротоарот на мостот „Гоце Делчев“, а потоа по кејот на реката Вардар до обележано место.
Враќањето ќе биде по истата патека, со цел пред Споменикот на основачите на ВМРО во парк „Жена Борец“.
Сообраќајот ќе се пренасочува
Единицата за безбедност на патниот сообраќај ќе преземе мерки за регулирање на сообраќајот долж трасата.
Возилата ќе се пренасочуваат по околните улици, во зависност од движењето на учесниците и потребите за безбедно одржување на трката.
Од МВР апелираат до граѓаните да ги почитуваат наредбите на полициските службеници и, доколку е можно, да ги избегнуваат улиците и делниците опфатени со трката.
Посебниот режим на сообраќај ќе трае додека се одвива настанот, по што сообраќајот ќе биде нормализиран.
Посебен режим на сообраќај денеска ќе има во центарот на Скопје поради одржувањето на „Атлетска трка 23-ти Октомври“, информира Министерството за внатрешни работи.
