Кој отпатува со Трамп во посета на Кина? Еве го списокот
13/05/2026 9:51
Американскиот милијардер Илон Маск е меѓу најпознатите бизнис-лидери кои го придружуваат американскиот претседател Доналд Трамп за време на државната посета на Кина.
Портпарол на Белата куќа потврди дека Маск се качил во претседателскиот авион што полета за Пекинг.
Во американската делегација е и извршниот директор на „Епл“, Тим Кук, кој во септември треба да се повлече од функцијата.
Меѓу патниците е и првиот човек на „Нвидија“, Џенсен Хуанг. Неговата компанија важи за еден од најголемите светски производители на чипови за вештачка интелигенција.
Трамп во Кина го придружуваат и директорот на „Боинг“ Роберт Кели Ортберг, првиот човек на „Блекрок“ Лери Финк, како и коосновачот и директор на „Блекстоун“ Стивен Шварцман.
Во делегацијата се и директорот на „Каргил“ Брајан Сајкс и директорката на „Ситигруп“ Џејн Фрејзер.
Покрај нив, во составот на американската делегација има и претставници на големи компании како „Голдман Сакс“, „Мастеркард“, „Мета“, „Квалком“, „Микрон“, „Виза“ и други технолошки и финансиски корпорации.
Присуството на вакви имиња дополнително ја нагласува економската тежина на посетата. Во фокусот се очекува да бидат трговијата, технологијата, инвестициите и односите меѓу двете најголеми светски економии.
Американскиот милијардер Илон Маск е меѓу најпознатите бизнис-лидери кои го придружуваат американскиот претседател Доналд Трамп за време на државната посета на Кина.
