Со 66 паковки марихуана сакале да поминат граница – уапсени две лица
21/05/2026 7:38
Две лица се приведени откако полицијата на граничниот премин Стар Дојран открила 66 пакувања со марихуана во автомобил со гевгелиски таблички.
Според информациите од МВР, на 19.05.2026 околу 23:30 часот, полициски службеници од Полициската станица за граничен надзор и гранични проверки Стар Дојран ги лишиле од слобода А.К. (32) од Валандово и Н.С. (36) со живеалиште во Нов Дојран.
При контрола на патничко возило „сеат атека“ на излез од државата, кое го управувала А.К., а како сопатник бил Н.С., биле пронајдени и одземени пет торбици.
Во торбиците имало вкупно 66 пакувања со марихуана.
Во врска со случајот, СВР Струмица извршила претреси на повеќе локации. По целосно расчистување и документирање на настанот, против двете лица ќе биде поднесена соодветна пријава.
За случајот бил известен јавен обвинител од Основното јавно обвинителство Гевгелија.
Осомничените се задржани во Полициската станица Гевгелија.
Две лица се приведени откако полицијата на граничниот премин Стар Дојран открила 66 пакувања со марихуана во автомобил со гевгелиски таблички.
