Сончево и топло време со температури до 36 степени, од среда можни дожд и грмежи

14/07/2026 8:42

Времето денеска ќе биде претежно сончево и топло, со мала до умерена локална облачност, соопшти Управата за хидрометеоролошки работи.

Ќе дува слаб до умерен ветер од северен правец. Долж Повардарието и во источните делови ветерот повремено ќе засилува.

Минималните температури ќе се движат од 11 до 21 степен, додека дневните ќе достигнат од 30 до 36 степени.

Во Скопје ќе биде сончево и топло, со мала до умерена облачност.

Ќе дува слаб до умерен ветер од северен правец. Утринската температура ќе се спушти до 17 степени, а максималната ќе достигне 35 степени.

И актуелната прогноза на УХМР предвидува топло време во Скопје со температура до 35 степени.

Во следните денови ќе продолжи сончевото и топло време, проследено со мала до умерена облачност.

Сепак, од среда во попладневните часови ќе има услови за локална нестабилност. На одделни места се очекуваат пороен дожд, грмежи и засилен ветер.

Нестабилноста ќе биде локална, па врнежите нема да бидат рамномерно распоредени во сите делови од земјата.