За време на пробата ќе биде истрелан еден плотун од шест артилериски орудија.
Одбележување и во Штип
Триесет и четвртата годишнина од формирањето на Армијата ќе биде одбележана и во касарната „Јане Сандански“ во Штип.
Таму ќе се одржи смотра на 2. пешадиски баталјон и на други армиски единици.
Од Генералштабот најавија присуство на претставници од повисоката команда на Армијата.
На одбележувањето ќе присуствуваат и градоначалници, директори и раководители на јавни претпријатија и установи, како и претставници на верските заедници.
Зошто 18 август е Ден на Армијата
За Ден на Армијата е избран 18 август.
На тој датум во 1943 година, на Славеј Планина, бил формиран баталјонот „Мирче Ацев“. Тој се смета за првата организирана воена формација на НОВ на Македонија.
Процесот за формирање на современата македонска Армија започнал во 1992 година.
Тогашниот претседател Киро Глигоров со раководството на ЈНА го потпишал договорот за дислокација на федералната армија од територијата на Република Македонија.
Македонската Армија денес е дел од колективниот безбедносен систем на НАТО, откако државата во март 2020 година стана полноправна членка на Алијансата.
По повод годишнината, вечерва ќе биде изведена почесна артилериска стрелба во Скопје.
Почесна артилериска стрелба во Скопје ќе биде изведена денеска по повод 34 години од формирањето на Армијата.
