Уапсен еден од напаѓачите за убиството во Дуќанџик, бил затвореник кој се нашол на слобода

Уапсен еден од напаѓачите за убиството во Дуќанџик, а според министерот за внатрешни работи Панче Тошковски, станува збор за лице кое во моментот издржувало затворска казна.

Тошковски во гостување на Канал 5 изјави дека еден од двајцата осомничени за пукањето од мотоцикл, во кое беше убиен 26-годишник, е приведен.

Ќе се истражува како излегол од затвор

Според министерот, приведениот во моментот требало да издржува казна затвор.

Тој најави дека дополнително ќе се истражува како лицето се нашло надвор од затворот.

Тошковски не откри повеќе детали за статусот на приведениот и под кои околности бил надвор.

(Видео)Детали за убиството во Дуќанџик: Двајца на мотоцикл пукале кон петмина, 26-годишник почина

МВР има докази за сторителите

Министерот изјави дека МВР располага со првични информации за сторителите.

Според него, обезбедени се и соодветни докази кои треба да помогнат во понатамошната постапка.

„МВР има првични информации за сторителите. Има обезбедено и соодветни докази во однос на тоа кои се сторителите“, рече Тошковски.

Тој додаде дека очекува и вториот осомничен наскоро да биде обезбеден и кривично гонет.

Мотивот засега не се открива

Тошковски рече дека во овој момент не може официјално да соопшти што е мотивот за убиството.

„Во овој момент официјално не би можел да издвојам кои се мотивите“, изјави министерот.

Тој нагласи дека истрагата продолжува интензивно.

Уапсен еден од напаѓачите за убиството во Чаир, а дополнително ќе се истражува како лице кое издржувало затворска казна се нашло на слобода.

Share on Facebook

Tweet

Follow us

Save