Важно соопштение oд Министерството за здравство за лицата вакцинирани во странство
02/07/2021 16:21
Министерството за здравство ја информира јавноста дека од утре (03.07.2021) заклучно со 10 јули 2021 година ќе биде во функција веб страницата https://vakcinacija.mk/revaccination која е за регистрација само на оние граѓани кои се вакцинирале во странство и сакаат да се ревакцинираат во земјава.
Преку регистрацијата на граѓаните ќе може да добиеме детален увид за колкава бројка станува збор, со кои вакцини се вакцинирани и кога треба да се ревакцинираат. Страната за регистрација за ревакцинација ќе биде отворена една недела, по што ќе биде затворена регистрацијата. На овој начин ќе ги прецизираме количните и типот на вакцини кои ќе ни бидат потребни. Најголем предизвик за ревакцинација на овие граѓани е фактот што дозите не можевме досега да ги планираме и не знаеме со што ќе располагаме во моментот кога тие треба да се ревакцинираат. Со вакцината на Астра Зенека во земјава ќе се ревакцинираат единствено граѓаните над 60 години.
За сите останати граѓани после регистрација на сајтот Министерството за здравство ќе направи обид да се обезбедат доволни количини вакцини по што ќе информираме прецизно во јавноста.
![vakcina-makedonija[1]](https://mkinformer.com/wp-content/uploads/2021/05/vakcina-makedonija1.png "Интepecoт зa вaкцинaциja ce згoлeмyвa - вчepа ce вaкциниpaлe 15.756 гpaѓaни")
