Во недела протестен марш во Скопје по пресудата за Тачи
25/09/2026 9:56
Во недела, 27 септември, во Скопје ќе се одржи протестен марш по повод првостепената пресуда на Специјализираните совети во Хаг против поранешните водачи на ОВК.
Маршот е најавен за 14 часот на плоштадот „Скендербег“. Организацискиот совет ги повика граѓаните да се приклучат на протестот.
Феџри Асипи, во име на организаторите, упати повик и до албанските политички партии да учествуваат на маршот.
Според најавата, на протестот се поканети семејства на загинати, ветерани и воени инвалиди, како и поранешни затвореници и политички прогонувани лица.
Повик е упатен и до претставници на верскиот, академскиот и граѓанскиот сектор.
Протестниот марш во Скопје следува по пресудата што на 16 септември ја изрекоа Специјализираните совети на Косово во Хаг.
Хашим Тачи и Јакуп Красниќи беа осудени на по 25 години затвор. Кадри Весели доби 18 години, а Реџеп Селими 13 години затвор.
Судскиот совет ги прогласи четворицата за виновни за воени злосторства – незаконско или произволно апсење и притвор, сурово постапување, тортура и убиство. Истовремено, тие беа ослободени од обвиненијата за злосторства против човештвото.
Пресудата е првостепена и не е правосилна.
Протестен марш во Скопје е закажан во недела, а се очекува да присуствуваат и косовски државјани.
Во недела, 27 септември, во Скопје ќе се одржи протестен марш по повод првостепената пресуда на Специјализираните совети во Хаг против поранешните водачи на ОВК.
