Серија зeмјотреси регистрирани утрово во Македонија
29/10/2021 9:10
Телеметриската сеизмолошка мрежа на Република Македонија, со станици во Скопје, Валандово, Охрид, Штип и Пехчево, одржувана од Сеизмолошката опсерваторија при Природно-математичкиот факултет во Скопје утринава регистрира серија земјотреси чии епицентри се наоѓаат на 100 km југозападно од Скопје во Република Албанија и потекнуваат од епицентралното подрачје Дебар.
Од оваа серија во западните и северозападните почуствувани беа пет земјотреси и тоа:
– во 08 часот и 05 минути со локална Рихтерова магнитуда ML3.4 и интензитет од III-IV степени според Европската макросеизмичка скала,
– во 08 часот и 09 минути со локална Рихтерова магнитуда ML2.7 и интензитет од III степени според Европската макросеизмичка скала,
– во 08 часот и 10 минути со локална Рихтерова магнитуда ML4.4 и интензитет од IV степени според Европската макросеизмичка скала,
– во 08 часот и 11 минути со локална Рихтерова магнитуда ML3.6 и интензитет од III-IV степени според Европската макросеизмичка скала,
– во 08 часот и 14 минути со локална Рихтерова магнитуда ML2.6 и интензитет од III степени според Европската макросеизмичка скала.
