(ВИДЕО) МЕСИ СО СОЛЗИ И ПОТЕЧЕН ЗГЛОБ ГО НАПУШТИ ФИНАЛЕТО, АРГЕНТИНА СЕПАК ПОБЕДИ ПО ПРОДОЛЖЕНИЈАТА
15/07/2024 7:03
Аргентина ја освои третата голема титула во низа и повтори успех кој претходно го имаше остварено само Шпанија, бидејќи „гаучосите“ рано утрово ја одбранија титулата на Копа Америка.
Селекцијата предводена од Лионел Скалони беше пред нов тежок испит по освоените титули на Копа Америка и Светското првенство, па иако беше многу израмнето, на крајот до израз дојде талентот на аргентинските фудбалери.
Во едно цврсто финале во кое се играше груб фудбал, клучниот момент се случи во 112-та минута, кога Лаутаро доби одличен пас од Ло Селсо, за потоа лесено да го матира коолумбискиот голман.
Со својот петти гол на турнирот, капитенот на Интер покажа дека ее најдобар стрелец на турнирот во Америка, а воедно и ја донесе посакуваната титула на Аргентина.
Овој успех е уште позначаен за оваа аргентинска генерација, особено ако сее знае дека до истиот дојдоа без Лео Меси на теренот. Капитенот заработи непријатна повреда на зглобот во 36-та минута, па иако некако издржа до 66-та, Лео не можеше да ги сокрие солзите кога излезе од игра.
Лео Меси крена уште еден голем трофеј, втор негов од Копа Америка, но поради повреда предвреме го заврши натпреварот.
Меси доби удар во зглобот во финишот од првото полувреме, но продолжи да игра. Сепак колку и да сакаше, не можеше уште долго да остане, во 66. минута излезе од игра плачејки, а зглобот му беше ужасно отечен.
На крајот, Меси повторно плачеше, но овојпат од среќа и радост од новиот голем успех за Аргентина.
![Navivaci-makedonska-reprezentacija[1]](https://mkinformer.com/wp-content/uploads/2021/06/Navivaci-makedonska-reprezentacija1.jpg "Победа за Македонија: Македонската фудбалска репрезентација се пласираше во бараж натпреварите за пласман на СП во Катар 2022")
