Бектеши ја објави пораката поради која полицијата го гони за „попречување на правда“- Ова е политички прогон, вели екс министерот
29/07/2024 16:41
Поранешниот министер за економија Крешник Бектеши ја објави пораката поради која охридската полиција му поднесе кривична пријава за дело „попречување на правда“ и која била упатена до полициски началник во Охрид. Полициската пријава, Бектеши ја смета за политички прогон и обид да го заплашат.
-Секоја Ви чест. Јаки сте. Срамота треба да Ви е, што се занимавате со млади луѓе, стои во пораката која била упатена преку апликацијата whatsapp на 7-ми мај.
Пораката била упатена до полициски началник, а поради оваа порака полицијата во Охрид сметала дека Бектеши сторил сериозно кривично дело за кое има предвидена и двоцифрена затворска казна.
Бектеши, во својата објава на ФБ наведува дека пријавата ја смета за политички прогон и објаснува што се случувало тој ден.
-На 7-ми мај во својство на координатор на Европскиот фронт во ИЕ 5 добив информација, од штабот на Европскиот фронт во Охрид дека на денот на изборниот молк бил проверуван шефот и членовите на изборниот штаб, од страна на охридската полиција, што е директна полициска интервенција во изборниот процес, наведува Бектеши.
Тој вели дека „должноста на раководителот на секторот е да обезбеди фер и демократски избори“ и ја објави пораката за која вели дека ја испратил како „човек кој има одговорност и за изборниот процес.“
Бектеши смета дека целта на пријавата е да го заплашат и дека целта на пријавата е одмазда за дебаклот кој се случил на 8-ми мај. Не наведува на кого точно мисли, но тврди дека станува збор за вазалите за кои гласачите кои им дадоа глас сега се чувствуваат предадени од нив.
Случајот не е пријавен веднаш, туку пријавата е поднесена три и пол месеци по завршувањето на изборите. Пријавата е објавена во дневниот билтен на МВР на 25-ти јули оваа година, а никаде не е наведено дека зад иницијалите К.Б. (39) се крие поранешен министер.
Поранешниот министер за економија Крешник Бектеши ја објави пораката поради која охридската полиција му поднесе кривична пријава за дело „попречување на правда“ и која била упатена до полициски началник во Охрид. Полициската пријава, Бектеши ја смета за политички прогон и обид да го заплашат.
Пораката била упатена до полициски началник, а поради оваа порака полицијата во Охрид сметала дека Бектеши сторил сериозно кривично дело за кое има предвидена и двоцифрена затворска казна.
