ТЕПАЧКАТА ПРЕД ФИТНЕС ЦЕНТАРОТ ВО ЧАИР СЕ ВОДИ КАКО ОБИД ЗА УБИСТВО
05/06/2025 10:27
Основното јавно обвинителство Скопје отвори истражна постапка против тројца осомничени – двајца браќа и нивен пријател – за кои постои сомнение дека се обиделе да извршат убиство како соизвршители. Станува збор за кривично дело „убиство во обид“ по член 123 став 2 точка 3 во врска со член 19 од Кривичниот законик.
Настанот се случил вечерта на 1 јуни пред фитнес клуб во скопската населба Чаир. Според обвинителството, конфликтот започнал со вербална расправија полна со навреди и пцовки, која потоа прераснала во физичка пресметка. Во еден момент, првоосомничениот извадил нож и со него го прободел оштетениот во коленото, стомакот и градите. Повредени биле и уште две лица кои се обиделе да интервенираат и да го одвојат напаѓачот од жртвата.
Јавниот обвинител поднесе предлог до судијата на претходна постапка за определување мерка притвор за сите тројца осомничени.
Основното јавно обвинителство Скопје отвори истражна постапка против тројца осомничени – двајца браќа и нивен пријател – за кои постои сомнение дека се обиделе да извршат убиство како соизвршители. Станува збор за кривично дело „убиство во обид“ по член 123 став 2 точка 3 во врска со член 19 од Кривичниот законик.
![policija-mk-777x437-225346[1]](https://mkinformer.com/wp-content/uploads/2021/05/policija-mk-777x437-2253461.jpg "Пoднeceн oбвинитeлeн aкт пpoтив ocyм лицa, пpипaдници нa ИCИC")
