Реакции и критики по изјавата на премиерот Мицкоски дека ќе се воведат дополнителни даноци за неженети и немажени лица
04/07/2025 16:28
За време на настанот „Демографски трендови, предизвици и можни решенија – Развој на стратешки документи за демографска отпорност“, Претседателот на Владата Христијан Мицковски изјави дека се разгледува можноста за воведување дополнителни даноци за неженети и немажени лица. Таквата изјава е длабоко загрижувачка и претставува закана за основните човекови права и принципите на еднаквост и слобода, реагираат од Мрежата за заштита од дискриминација.
Оттаму оценуваат дека ваквата најава односно идна мерка не само што би била ретроградна, туку е и дискриминаторска, бидејќи, како што наведуваат оттаму, ги крши човековите права односно правото на избор, правото на приватен и семеен живот и правото на планирање семејство, животен стил, семејна состојба и иднина.
„Оваа изјава го стигматизира секој кој не живее во брачна заедница – било од избор, било од околности. Ги удира младите, самохраните родители, ЛГБТИ+ лицата и оние кои се социјално и економски ранливи. Не придонесува кон развој на општеството, туку отвора врата за нови поделби, стигма и нееднаквост. Потсетуваме дека со член 25 од Уставот на секој граѓанин му се гарантира почитување и заштита на приватноста на неговиот личен и семеен живот, на достоинството и угледот“, се вели во реакцијата.
Како што се наведува, вонбрачната заедница е регулирана и заштитена со Уставот на Република Северна Македонија.
За време на настанот „Демографски трендови, предизвици и можни решенија – Развој на стратешки документи за демографска отпорност“, Претседателот на Владата Христијан Мицковски изјави дека се разгледува можноста за воведување дополнителни даноци за неженети и немажени лица. Таквата изјава е длабоко загрижувачка и претставува закана за основните човекови права и принципите на еднаквост и слобода, реагираат од Мрежата за заштита од дискриминација.
