Градоначалникот на Крива Паланка упати благодарност до Ќустендил и пожарникарите кој помогнаа во гаснењето на пожарот
11/07/2025 8:32
„Вистинскиот пријател се препознава во тешки времиња,“ изјави градоначалникот на Крива Паланка, Сашко Митовски, упатувајќи благодарност до неговиот колега од Ќустендил, Огњан Атанасов.
Митовски му се заблагодари на бугарскиот градоначалник за неговата искрена поддршка, навремена реакција и лично присуство во справувањето со пожарот кој го загрозуваше регионот на Крива Паланка.
„Овој момент, оваа фотографија се доказ за вистинска солидарност што ги надминува границите,“ истакна Митовски, додавајќи: „Благодарност до Ќустендил – заедно сме кога е најважно: во хуманоста.“
Бугарија веднаш реагираше испраќајќи противпожарни тимови и возила за да помогне во гаснењето на пожарот кој на 9 јули се прошири со голема брзина, заканувајќи се на блиското село и на самиот град.
Градоначалникот Атанасов беше директно вклучен на терен во координацијата на операцијата. Противпожарни екипи пристигнаа од Ќустендил и Софија, а ситуацијата со пожарот во моментов е ставена под контрола.
„Вистинскиот пријател се препознава во тешки времиња,“ изјави градоначалникот на Крива Паланка, Сашко Митовски, упатувајќи благодарност до неговиот колега од Ќустендил, Огњан Атанасов.
