Ангелов: Повеќе од сигурно е дека некои пожари се подметнати затоа што бројката е енормна

„Во изминатото деноноќие имавме 33 пожари. 28 пожари се целосно изгаснати, два се ставени под контрол, а три се активни. Пожарот во ловиштето Јасен беше најтежок за гаснење, кој се одвива на тежок терен. Неколку дена дејствуваме со ер трактори и хеликоптери. На лице место се присутни утринава специјалците на АРМ како и од ЕБР од МВР. Овие луѓе работат на една од линиите над патот, која успеавме да ја изгасиме со што спречивме ширење на пожарот. За жал имаме повторно знаци за реактивирање на еден мал крак, упатени се сили и се надевам дека ќе успееме да го локализираме. Состојбата во долниот дел од патот е лоша, има многу чад. Воздухопловите тука не можат да ејствуваат затоа што видливоста е лоша, и гаснењето се одвива отежнато. На лице место се екипи од ЈП Јасен и на македонски шуми. Во текот на ноќта на помош ги повикавме и пожарникарите од Кавадарци, кој помагаат.

Останати пожари кои се активни се пожарот кој избувна во текот на вчерашниот ден во општина Сарај од селото Радуша кон селото Дворце а најверојатно ќе се префрли кон Јегуновце. Се работи за гасење на овој пожар, и верувам дека ќе го ставиме под контрола.