Давал налози за сечење шума како негова да е: Кривична пријава против вработен во „Национални шуми“
21/08/2025 10:18
Надворешната канцеларија за криминалистички работи Струга поднесе кривична пријава против С.П. (58) од Охрид, со престој во Вевчани, поради сомнение за злоупотреба на службена положба и овластување.
Осомничениот, вработен во Јавното претпријатие „Национални шуми“ – Подрачно шумско стопанство „Јабланица“ во Струга, во својство на референт за превоз издавал испратници спротивно на законските одредби и подзаконските акти. Тој подготвувал испратници без претходно одобрение за сеча и надвор од прописите на Правилникот за жигосување на дрвната маса, овозможувајќи на физички лица незаконска корист.
Со овие дејствија, на Јавното претпријатие „Национални шуми“ му е нанесена штета во износ од 506.850 денари, а дополнителна штета е направена и врз Буџетот на Република Северна Македонија во делот на данокот на додадена вредност и фондовите за проширена репродукција на шумите.
Надворешната канцеларија за криминалистички работи Струга поднесе кривична пријава против С.П. (58) од Охрид, со престој во Вевчани, поради сомнение за злоупотреба на службена положба и овластување.
