ОН: Над 300 Палестинци починале од глад во Појасот Газа од почетокот на војната
26/08/2025 8:03
Според Обединетите нации, уште 11 Палестинци починале од глад во последните 24 часа во Појасот Газа, со што вкупниот број на жртви од глад од почетокот на војната достигна 300 лица.
Портпаролот на ОН, Стефан Дужарик, на брифинг за медиумите изјави дека само од 20 август, околу 5.000 луѓе се раселени од северниот дел на Газа кон Деир ал-Балах во центарот и Кан Јунис на југот. Дополнително, уште 8.000 Палестинци биле раселени западно од градот Газа. Со ова, вкупниот број на нови раселени лица од крајот на прекинот на огнот во март се искачи на над 800.000.
Дужарик посочи дека израелските власти продолжуваат да ја ограничуваат испораката на хуманитарна помош низ целиот Појас Газа. Во последните 24 часа биле блокирани 8 од 15 мисии на ОН за транспорт на хуманитарна помош.
Дополнително, партнерите на ОН пријавиле дека неколку образовни установи, кои воедно служеле и како засолништа, биле нападнати изминатата недела.
Според Обединетите нации, уште 11 Палестинци починале од глад во последните 24 часа во Појасот Газа, со што вкупниот број на жртви од глад од почетокот на војната достигна 300 лица.
