ПАДНА ЕВРОПСКИОТ ШАМПИОН: Грузија ја шокира Шпанија со победа од 83:69 на стартот на Евробаскетот
28/08/2025 16:31
LIMASSOL (Cyprus), 28/08/2025.- Joel Parra (L) and Sergio de Larrea of Spain in action against Georgia’s Giorgi Shermadini (C) of Georgia during the FIBA EuroBasket 2025 group C basketball match between Georgia and Spain,at the Spyros Kyprianou Arena in Limassol, Cyprus, 28 August 2025. (Baloncesto, Chipre, España) EFE/EPA/GEORGI LICOVSKI
Репрезентацијата на Грузија приреди големо изненадување на стартот на Евробаскет 2025, совладувајќи го актуелниот шампион Шпанија со резултат 83:69 во првиот натпревар од Ц групата, што се игра во Лимасол, Кипар.
Грузијците од почеток до крај ја контролираа играта, а Шпанија само еднаш дојде до водство – во самиот финиш на првото полувреме.
👉 Во првата четвртина, Грузија стекна двоцифрена предност. Иако Шпанците се вратија во натпреварот, разликата се движеше помеѓу четири и осум поени. Во завршницата, клучната улога ја одигра Гога Битадзе, кој постигна осум поени во серија и ја однесе својата селекција на +16, со што беше решен победникот.
📊 Најдобри поединци:
Мамукелашвили – 19 поени, 7 скока, 6 асистенции
Битадзе – 15 поени
Шенгелија – 13 поени (за 20 минути на паркетот)
Болдвин – 12 поени
Санадзе – 11 поени (сите во првото полувреме)
Кај Шпанија, најефикасни беа:
Хуанчо Ернангомез – 13 поени
Андама – 12 поени (5/15 од поле)
Бризуела – 11 поени
Овој пораз е јасен знак дека Шпанија со изменет состав ќе има тежок пат на Евробаскетот, додека Грузија уште на самиот почеток покажа дека е сериозен конкурент за пласман во следната рунда.
