Учебната 2025/2026 започна со 245.000 ученици – бројот на основци повторно во пад
01/09/2025 10:21
Новата учебна година 2025/2026 денеска официјално започна, а во училишните клупи седнаа околу 245.000 ученици ширум државата. Од нив, 177.800 се основци, а 67.200 средношколци, според податоците на Министерството за образование и наука.
Иако училиштата ја започнуваат годината со нови методи и пристапи во наставата, бројките откриваат загрижувачки демографски тренд. Во споредба со минатата учебна година, бројот на основци е намален за речиси 2.800, додека кај средношколците има минимален пораст од околу 50 ученици, но сепак помалку од учебната 2023/2024 година.
Статистиките за последната деценија се уште поалармантни – од учебната 2014/2015 бројот на ученици е намален за речиси 28.000, што е еквивалентно на затворање или спојување на значителен број училишта низ државата.
Овој демографски пад претставува голем предизвик за образовниот систем и за општеството во целина. Експертите предупредуваат дека се потребни долгорочни стратегии за поттикнување на наталитетот, задржување на младите и подобрување на квалитетот на образованието, доколку сакаме да спречиме дополнително намалување на бројот на ученици во иднина.
Новата учебна година 2025/2026 денеска официјално започна, а во училишните клупи седнаа околу 245.000 ученици ширум државата. Од нив, 177.800 се основци, а 67.200 средношколци, според податоците на Министерството за образование и наука.
