Државната ревизија побара разрешување на белградскиот градоначалник Александар Шапиќ
09/09/2025 9:37
Српската Државна ревизорска институција (ДРИ) во својот извештај оцени дека Градот Белград сериозно ја прекршил обврската за добро работење, поради што испрати барање до Собранието на Град Белград за разрешување на градоначалникот Александар Шапиќ.
Ревизијата на регуларноста на работењето за 2022 година, со акцент на расходите за вработените и управувањето со буџетските средства, открила низа неправилности што Градот бил должен да ги отстрани.
Иако Белград доставил извештај за мерките преземени за корекција, ДРИ утврдила дека за дел од неправилностите не се приложени докази за нивно решавање. Поради тоа, институцијата извршила постревизија и констатирала дека значајните пропусти не се целосно исправени.
Во своето соопштение, ДРИ нагласува дека е информирано и Народното собрание на Србија за сериозното кршење на добрите деловни практики од страна на Градот Белград.
Српската Државна ревизорска институција (ДРИ) во својот извештај оцени дека Градот Белград сериозно ја прекршил обврската за добро работење, поради што испрати барање до Собранието на Град Белград за разрешување на градоначалникот Александар Шапиќ.
