Орбан: Една деценија ги штитиме Унгарија и Европа од нелегална миграција
16/09/2025 10:15
BUDAPEST, HUNGARY – MARCH 15: Hungarian Prime Minister Viktor Orban delivers a speech in front of the National Museum during Hungary’s National Day celebrations on March 15, 2019 in Budapest, Hungary. Hungary’s National Day celebrations commemorate the 1848 Hungarian Revolution against the Habsburg monarchy, (Photo by Laszlo Balogh/Getty Images)
Унгарскиот премиер Виктор Орбан денес изјави дека Унгарија се штити себеси и Европа од нелегална миграција веќе една деценија, откако ја „заклучи“ својата граница пред десет години.
„Овој потег предизвика гнев и закани во Брисел и стигматизација на Унгарија во западните престолнини, но ние истраeвме, ја затворивме јужната граница и рековме дека само оние на кои им дозволуваме можат да стапнат на унгарска почва“, рече унгарскиот премиер во објава на Фејсбук, објави MTI.
Орбан оцени дека Берлин, Стокхолм, Виена и Париз биле сведоци на загрозена јавна безбедност во изминатата деценија, додавајќи дека хорди мигранти ги тероризираат жителите во тие градови и дека експлозиите и убиствата сега се секојдневна рутина.
„Унгарија стана една од најбезбедните земји во Европа. Бројот на злосторства против човечкиот живот или материјалниот имот е на ниско ниво, а бројот на нелегални мигранти во земјата е нула. Но, бирократите во Брисел сè уште сакаат да управуваат со миграцијата наместо да ја запираат, уценувајќи ги и казнувајќи ги оние што не се придржуваат. Унгарија е казнета со еден милион евра дневно“, рече Орбан.
Тој вети дека унгарската влада, како што рече, ќе го продолжи својот отпор во Брисел и ќе ја зачува Унгарија како земја без мигранти.
