Д-р Јован Божиновски нов вд директор на Клиниката за неврологија
13/10/2025 19:36
Министерот за здравство Азир Алиу денеска на прес-конференција соопшти дека д-р Јован Божиновски е именуван за нов вршител на должност директор на Универзитетската клиника за неврологија.
Ова назначување доаѓа по разрешувањето на досегашниот директор, проф. д-р Игор Кузмановски. Министерството за здравство ја донесе одлуката за негово разрешување по појавата на компромитирачко видео на социјалните мрежи кое предизвика големо внимание во јавноста.
Со именувањето на д-р Божиновски, Министерството најавува континуитет во работата на Клиниката и фокус на стабилизирање на состојбите и унапредување на здравствените услуги за пациентите.
