Променливо и свежо време денес, температури до 20 степени
14/10/2025 9:29
Утринава, до 8:30 часот, најниска температура е измерена на Попова Шапка, каде живата во термометарите се спуштила до -1 степен Целзиусов. Според податоците на Управата за хидрометеоролошки работи, најтопло во истиот термин било во Гевгелија – со пријатни 11 степени.
Во останатите места, утринските температури биле различни: во Берово 0, во Лазарополе 3, во Демир Капија, Маврови Анови и Крушево 4, во Струмица 5, во Скопје-Петровец, Претор и Штип 6, во Крива Паланка, Битола, Охрид и Велес 7, во Виница и Кавадарци 8, додека во Тетово и Куманово 9 степени.
Метеоролозите за денес најавуваат променливо време со сончеви периоди и благ до умерен северен ветер. Максималните дневни температури ќе се движат меѓу 13 и 20 степени.
Во Скопје, утрото започна со претежно облачно време, но до крајот на денот се очекува постепено разведрување. Ќе дува слаб до умерен северен ветер, а највисоката температура ќе достигне до 19 степени.
![infektivna-klinika-1[1]](https://mkinformer.com/wp-content/uploads/2021/05/infektivna-klinika-11.jpg "Починале 27 лица, 1.861 нов случаj на ковид во Македонија")
