Минус 4 степени и 33 сантиметри снег на Попова Шапка, најстудено утрово во Македонија
22/01/2026 10:39
УХМР со детални податоци за температурите, снежната покривка и врнежите – денеска малку потопло со намалување на облачноста
Најниската измерена температура утрово во земјава изнесувала -4 Целзиусови степени на Попова Шапка, каде снежната покривка достигнала 33 сантиметри, информираат од УХМР.
Според податоците на УХМР, утрово минусни температури биле измерени во поголем дел од државата. -3 степени се регистрирани во Крушево, -2 степени во Маврови Анови, Берово, Тетово и Крива Паланка, додека -1 степен е измерен во Скопје – Зајчев Рид, Прилеп, Куманово, Битола, Штип и Кавадарци.
Температура од 0 степени е измерена во Скопје – Петровец, Претор, Струмица, Велес, Охрид, Виница, Гевгелија и Демир Капија.
❄️ Снежна покривка
Снежната покривка до 7 часот утрово изнесувала:
33 см – Попова Шапка
15 см – Маврови Анови
13 см – Битола
8 см – Ѓуриште
7 см – Крушево
5 см – Тетово, Штип
2 см – Берово, Претор, Струмица
1 см – Виница, Крива Паланка
🌧️ Врнежи од дожд
Најмногу дожд во изминатите 24 часа наврнал во Гевгелија – 14 литри на метар квадратен, а следуваат Струмица и Ѓуриште со 8 литри, Маврови Анови со 7 и Битола и Берово со по 6 литри.
🌤️ Временска прогноза
Според синоптичарите, денеска ќе биде малку потопло во споредба со вчера. Претпладне ќе преовладува претежно облачно време со појава на магла во одредени котлини, додека попладне облачноста ќе се намалува. Ќе дува слаб до умерен ветер од променлив правец.
Максималната дневна температура ќе биде од 2 до 7 Целзиусови степени.
Во Скопје се очекува променливо облачно време со сончеви периоди и слаб ветер од северен правец, а максималната температура ќе достигне до 4 степени.
УХМР со детални податоци за температурите, снежната покривка и врнежите – денеска малку потопло со намалување на облачноста
