Зошто болат зглобови кога се менува времето? Што вели науката?

Иако нема прецизни научни докази, експертите имаат неколку теории зошто болката во зглобовите се засилува при дождливо и студено време. Според ревматологот д-р Дејвид Боренштајн, не е необично луѓето со артритис да почувствуваат болка уште пред да започнат врнежите, а нивните предвидувања често се точни.

Најчесто се споменува влијанието на воздушниот притисок, кој може да ја менува чувствителноста на ткивата околу зглобовите. Кога притисокот паѓа, ткивото се шири, што предизвикува болка. Други фактори како влажноста, студот и недостигот на движење исто така може да придонесат.

Експертите советуваат во студени денови зглобовите да се одржуваат топли, да се практикува лесна физичка активност и да се одржува здрава телесна тежина. Помагаат и топли бањи, парафински третмани или, по потреба, аналгетици. Најсоодветна активност за намалување на болката е пливањето, бидејќи ги штити сите зглобови од дополнителен притисок.

Share on Facebook

Tweet

Follow us

Save