Од крајот на ноември „Клексан“ достапен до граѓаните со рецепт
01/11/2025 11:01
Од крајот на ноември, двата важни лека против згрутчување на крвта – „еноксапарин“ и „надропарин“ (познати како клексан) – ќе можат да се подигнуваат директно на рецепт во аптеките, соопшти генералниот директор на Фондот за здравствено осигурување (ФЗО), Сашо Клековски.
➡️ Овие лекови досега беа достапни само преку болниците и граѓаните мораа да поднесуваат барања за рефундација за домашно лекување.
„Граѓаните веќе нема да се малтретираат по шалтерите на Фондот за да ги рефундираат средствата за овие лекови. Ќе има полесен пристап до терапијата, а ние ќе можеме да се концентрираме на други прашања,“ изјави Клековски.
Оваа одлука ќе овозможи:
Полесен пристап до терапија за хронични и акутни пациенти со кардиоваскуларни проблеми;
Намалување на административниот товар за граѓаните и здравствениот систем;
Подобрување на континуитетот на лекувањето во домашни услови.
Од крајот на ноември, двата важни лека против згрутчување на крвта – „еноксапарин“ и „надропарин“ (познати како клексан) – ќе можат да се подигнуваат директно на рецепт во аптеките, соопшти генералниот директор на Фондот за здравствено осигурување (ФЗО), Сашо Клековски.
