Еве колку градоначалници освои секоја од партиите на овие локални избори
03/11/2025 10:27
По завршувањето на двата изборни круга од локалните избори 2025, коалицијата предводена од ВМРО-ДПМНЕ излезе како апсолутен победник, со освоени 54 градоначалнички места низ државата, вклучително и Градот Скопје.
ВМРО-ДПМНЕ и нејзините коалициски партнери ќе раководат со најголем број општини во последната деценија, вклучувајќи ги речиси сите поголеми градски центри.
📊 Резултати по коалиции и партии
ВМРО-ДПМНЕ и Коалицијата – 54 градоначалници (вклучувајќи го Скопје)
Коалицијата Вреди – 9 општини
Коалицијата на СДСМ – 6 општини
НАИ – 4 општини
ЗНАМ, Демократската партија на Турците и Унијата на Ромите – по 1 градоначалник
Независни кандидати – 2 општини
🗓️ Изборниот процес во бројки
Во вториот круг, кој се одржа вчера, се избираа градоначалници во 32 општини и во Градот Скопје, додека во првиот круг на 19 октомври беа избрани 44 градоначалници.
Во четири општини – Гостивар, Врапчиште, Центар Жупа и Маврово и Ростуше, не се гласаше поради недоволен одѕив на гласачи во првиот круг. Таму ќе се спроведе нова изборна постапка во рок од 60 дена, според Изборниот законик.
