Истражување: Колку пари годишно чини одгледување дете во Македонија
02/12/2025 18:30
Да се одгледува дете во Македонија чини од 150 до 200 илјади денари годишно, што претставува околу 12–16 илјади денари месечно, покажува истражувањето на „Центарот за еднаквост и правда“, спроведено на примерок од 650 родители со деца од различни возрасни групи. Според нив, ова се основните трошоци неопходни за пристоен и стабилен живот.
Резултатите укажуваат дека најголеми финансиски оптоварувања имаат семејствата со бебиња и тинејџери, бидејќи за овие групи се потребни најмногу средства за квалитетно живеење, образование и пристап до услуги. Како што истакнува Катерина Шапкова Коцевска: „Она што го заклучивме кај нас го потврдуваат и истражувањата на други држави… семејствата што имаат бебиња и тинејџери имаат потреба од најмногу финансиски ресурси“.
Иако државата тврди дека детското образование е бесплатно, анализата покажала дека постојат бројни скриени трошоци – униформи, учебници, материјали за градинки, хигиена и други давачки кои сериозно го оптоваруваат семејниот буџет. Неда Чалловска Димовска појаснува: „Анализата исто така покажа дека за услугите за кои државата тврди дека се бесплатни… има многу скриени трошоци“.
Родителите кои учествувале во истражувањето сметаат дека државната поддршка е недоволна, а со зголемување на бројот на деца, расте и ризикот од сиромаштија во семејството. Затоа, од „Центарот за еднаквост и правда“ бараат посериозен државен ангажман во демографските политики и ревизија на моделите за поддршка на семејствата.
Да се одгледува дете во Македонија чини од 150 до 200 илјади денари годишно, што претставува околу 12–16 илјади денари месечно, покажува истражувањето на „Центарот за еднаквост и правда“, спроведено на примерок од 650 родители со деца од различни возрасни групи. Според нив, ова се основните трошоци неопходни за пристоен и стабилен живот.
