Австрија воведе итна забрана за семејно обединување на азиланти, капацитетите се преполни
14/12/2025 21:46
Новата влада во Австрија донесе одлука за итно стопирање на семејното обединување на барателите на азил, потег со кој се обидува да одговори на зголемената јавна загриженост околу имиграцијата и растечката поддршка за крајната десница.
Коалициската влада составена од три партии, повикувајќи се на одредбите на Европската Унија за вонредни ситуации поврзани со националната безбедност, објави дека привремено ги замрзнува правата за доаѓање на членови на семејствата на лицата кои веќе добиле азил во земјата.
Владата, предводена од канцеларот Кристијан Штокер од Народната партија (ОВП), порача дека Австрија се соочува со сериозни ограничувања во капацитетите за прием и интеграција на мигранти.
„Капацитетите на државата и системите за прием одамна се на границата, а во одредени сегменти се веќе надминати“, соопшти владата, наведувајќи дека големиот прилив на луѓе создава притисок врз социјалните служби, образованието и пазарот на труд.
Одлуката предизвика остри реакции од организациите за човекови права. Од Амнести интернешнл во Австрија оценија дека ваквиот потег претставува јасно кршење на меѓународните обврски.
„Не е добар сигнал кога една нова влада го започнува својот мандат со очигледно кршење на релевантното меѓународно право“, изјави директорката на Амнести интернешнл Австрија, Шура Хашеми.
Во меѓувреме, истражувања покажуваат дека и интеграцијата на бегалците на пазарот на труд е проблематична. Според студии, Австриската служба за вработување често не ги признава реалните квалификации на сириските бегалци, им го отежнува пристапот до работни дозволи и им нуди работни позиции далеку под нивото на нивното образование и искуство.
Новата влада во Австрија донесе одлука за итно стопирање на семејното обединување на барателите на азил, потег со кој се обидува да одговори на зголемената јавна загриженост околу имиграцијата и растечката поддршка за крајната десница.
