Земјотрес регистриран кај Охрид во раните утрински часови
27/12/2025 11:36
Рано утрово, дел од жителите на Охрид и околните населени места почувствуваа слаб земјотрес, кој, според надлежните служби, не предизвикал материјална штета ниту опасност по населението.
Според првичните податоци од сеизмолошките мерења, земјотресот бил регистриран во 03:18 часот. Епицентарот се наоѓал во близина на селото Велестово, на падините на планината Галичица, на длабочина од околу 15 километри.
Интензитетот на потресот изнесувал 2,2 степени според Рихтеровата скала, што го вбројува меѓу слабите земјотреси. Поради ниската магнитуда, потресот бил почувствуван само од мал дел од населението, претежно од граѓаните кои се наоѓале на повисоките катови од објектите.
Надлежните институции информираат дека нема пријави за повредени лица или предизвикани оштетувања, а состојбата се следи согласно стандардните протоколи.
Рано утрово, дел од жителите на Охрид и околните населени места почувствуваа слаб земјотрес, кој, според надлежните служби, не предизвикал материјална штета ниту опасност по населението.
