Времето денес: Променливо облачно со сонце, вечерва дожд и снег на планините
09/01/2026 11:07
Времето денеска во државата ќе биде променливо облачно со сончеви периоди и слаб до умерен јужен ветер. Утринските минимални температури се движеа од -9 до -2 степени, додека максималните дневни температури ќе се искачат од 3 до 9 степени Целзиусови.
Промена на временските услови се очекува кон крајот на денот и во текот на ноќта, кога во северозападните делови од земјата ќе започнат повремени врнежи од дожд. На повисоките планински предели врнежите ќе бидат од снег.
Во Скопје
Во главниот град ќе преовладува слично време, променливо облачно со сончеви периоди и слаб променлив ветер. Утринската температура се спушти до -6 степени, додека дневната максимална ќе достигне околу 4 степени.
Граѓаните се советуваат да бидат внимателни во вечерните часови, особено во повисоките предели и на планинските патишта, каде е можна појава на снег и лизгави коловози.
