Крај за евтините цигари: Фри-шопот на Евзони веќе не продава цигари и тутун
22/01/2026 11:41
Патниците остануваат без една од најпопуларните „бенефиции“ на граничниот премин
Патниците кои со години купуваа поевтини цигари и тутун од фри-шопот на граничниот премин Евзони од крајот на 2025 година остануваат без таа можност, откако продажбата на овие производи е целосно прекината.
Според информации од медиумите во соседството, од 31 декември 2025 година цигарите и тутунските производи се повлечени од понудата на фри-шопот на граничниот премин Евзони.
Надлежните институции појаснуваат дека причината за ваквата одлука е изедначувањето на цените на тутунските производи, при што тие веќе речиси не се разликуваат од цените во редовните продавници во Грција. Со тоа, фри-шопот ја изгубил својата главна ценовна предност.
Фри-шопот на Евзони со години важеше за омилена станица за патниците од Македонија и регионот, особено за оние кои патуваат кон Грција и сакаа да заштедат при купување цигари и тутун. Сепак, со новите акцизни политики, ваквата практика станува неисплатлива и за продавачите.
Одлуката е дел од пошироките регионални напори за усогласување на акцизните политики, како и за зајакнување на борбата против шверцот и нелегалната трговија со тутунски производи.
Патниците кои ќе минуваат преку овој граничен премин ќе мора да се прилагодат на новата состојба, бидејќи финансискиот мотив за купување преку граница практично исчезнува.
Патниците остануваат без една од најпопуларните „бенефиции“ на граничниот премин
