Силен ветер го однесе кровот на СОУ „Јосиф Јосифовски“ во Гевгелија
18/02/2026 10:45
Поради силниот ветер што го зафати јужниот дел од земјата, летнала лимената конструкција од кровот на СОУ „Јосиф Јосифовски“-Гевгелија.
Според првичните информации, во инцидентот нема повредени лица. Сепак, на терен е побарана интервенција од службени лица од Министерство за внатрешни работи, како и од други надлежни институции.
За настанот се известени ТППЕ Гевгелија, Општина Гевгелија и Полициска станица Гевгелија, кои ќе постапуваат согласно своите надлежности со цел обезбедување на просторот и проценка на евентуалната материјална штета.
Надлежните апелираат граѓаните да бидат внимателни при движење во услови на засилен ветер и да ги почитуваат препораките на институциите.
