Принцот Ендру уапсен под сомнение за злоупотреба на јавна функција
19/02/2026 13:55
Поранешниот принц Ендру, чие целосно име е Ендру Маунтбатен-Виндзор, е уапсен под сомнение за злоупотреба на јавна функција, соопшти британската полиција.
Според информациите, тој се наоѓа во притвор, а во тек се претреси на повеќе адреси во окрузите Беркшир и Норфолк. Фотографии објавени од медиумите покажуваат полициски возила како пристигнуваат во имотот Сандрингам во Норфолк, јавува BBC.
Апсењето следува по соопштение од Thames Valley Police дека се разгледува жалба поврзана со наводи дека поранешниот принц споделувал доверливи материјали со покојниот осуден сексуален престапник Џефри Епштајн.
Ендру, кој денеска полни 66 години, во повеќе наврати ги негираше сите обвинувања за недолично однесување.
Од полицијата во долината Темза соопштија дека „како дел од истрагата, денес (19/2) е уапсен маж во шеесеттите години од Норфолк под сомнение за злоупотреба на јавна функција“, додавајќи дека случајот е активен и дека нема да го именуваат уапсениот, во согласност со националните упатства.
Помошникот началник на полицијата, Оливер Рајт, изјави дека по темелна проценка е отворена официјална истрага за наводната злоупотреба, нагласувајќи дека интегритетот и објективноста на постапката мора да бидат заштитени.
Полицијата посочи дека е свесна за големиот јавен интерес и дека дополнителни информации ќе бидат соопштени во соодветно време.
![tramp1[1]](https://mkinformer.com/wp-content/uploads/2021/08/tramp11.jpg "Трамп ѝ постави ултиматум од милијарда долари на „BBC“")
