Кувајт по грешка ги соборил борбените авиони на САД кои паднаа утрово
02/03/2026 14:55
Три американски борбени авиони „Ф-15Е“ биле соборени во инцидент со таканаречен „пријателски оган“, соопшти Централна команда на САД, пренесува CNN.
Според соопштението, кувајтската воздушна одбрана по грешка ги соборила авионите за време на интензивни борбени операции во кои биле вклучени ирански авиони, балистички ракети и беспилотни летала.
„Сите шестмина членови на екипажите навреме се катапултираа, тие се на безбедно и во стабилна состојба. Причината за инцидентот се истражува“, соопшти американската војска.
Претходно, Министерство за одбрана на Кувајт информираше дека се соборени неколку американски борбени авиони и дека пилотите се спасени, без да наведе детали за околностите.
Од друга страна, иранската државна телевизија тврдеше дека Иран гаѓал еден од авионите што се урнале на територијата на Кувајт.
Инцидентот се случува во контекст на зголемени воени тензии во регионот, додека се водат истраги за точните причини и одговорноста за соборувањето на авионите.
Три американски борбени авиони „Ф-15Е“ биле соборени во инцидент со таканаречен „пријателски оган“, соопшти Централна команда на САД, пренесува CNN.
