Основното јавно обвинителство Кочани изврши увид на лице место во близина на Виница, каде било пронајдено тело на починато машко лице со повреда од огнено оружје.
Жртвата е идентификувана како ловочувар
Според досегашните информации од истрагата, починатиот е идентификуван како ловочувар, кој бил дел од група за комерцијален лов.
Во тек е прибирање докази и вештачења
Надлежните информираат дека во моментов се преземаат повеќе истражни дејствија за целосно расчистување на случајот. Се обезбедуваат докази, се вршат претреси и соодветни вештачења на пронајдени траги.
Задржани четири лица од групата
Во врска со настанот, задржани се тројца странски и еден македонски државјанин, кои биле дел од групата за комерцијален лов. Истражните органи утврдуваат дали тие биле поврзани со пукањето.
Истрагата продолжува
Од Обвинителството засега не соопштуваат повеќе детали, а истрагата продолжува во насока на утврдување на сите околности под кои се случил настанот.
![policija-mk-777x437-225346[1]](https://mkinformer.com/wp-content/uploads/2021/05/policija-mk-777x437-2253461.jpg "Пoднeceн oбвинитeлeн aкт пpoтив ocyм лицa, пpипaдници нa ИCИC")