МВР со акција за детска порнографија на седум локации
02/04/2026 10:22
Секторот за компјутерски криминал при БЈБ во координација со полициските служби од Битола, Охрид и Струмица спроведува координирана акција на повеќе локации низ државата. Во фокусот на операцијата е сомнеж за кривично дело поврзано со детска порнографија.
Според информациите од МВР, во рамки на акцијата се вршат претреси на вкупно седум локации. Целта е да се обезбедат докази за предмет што се води за „производство и дистрибуција на детска порнографија“ по член 193-а од Кривичниот законик.
Во текот на претресите ќе бидат одземени компјутерски уреди и компјутерски податоци. Тие треба да послужат како доказен материјал во натамошната постапка.
Неофицијално, за едно од лицата опфатени со акцијата, Б.К. од Струга, постојат информации дека е претседател на бугарско здружение во Македонија и водител на подкаст со студио во Скопје.
МВР засега не излезе со повеќе детали за идентитетите и можните мерки. Се очекува во текот на денот да бидат соопштени нови информации за акцијата и за истрагата за детска порнографија.
Секторот за компјутерски криминал при БЈБ во координација со полициските служби од Битола, Охрид и Струмица спроведува координирана акција на повеќе локации низ државата. Во фокусот на операцијата е сомнеж за кривично дело поврзано со детска порнографија.
![policija-mk-777x437-225346[1]](https://mkinformer.com/wp-content/uploads/2021/05/policija-mk-777x437-2253461.jpg "Пoднeceн oбвинитeлeн aкт пpoтив ocyм лицa, пpипaдници нa ИCИC")
