Времето денеска: Сонце, дожд и ветер до над 60 км/ч
14/04/2026 8:08
Управата за хидрометеоролошки работи (УХМР) информира дека денеска времето во Македонија ќе биде променливо облачно со сончеви периоди. Попладне и во текот на ноќта, особено во јужните и западните делови од земјава, се очекуваат локални врнежи од дожд.
Ќе дува умерен ветер од југоисточен правец, кој наместа, особено долж Повардарието, ќе биде засилен и ќе достигнува брзина од над 60 километри на час.
Температури:
Минимална: од 4 до 10 степени
Максимална: од 17 до 22 степени
Времето во Скопје:
Во главниот град претпладне ќе биде сончево, додека попладне се очекува променливо облачно со умерен до засилен југоисточен ветер. Температурата во Скопје ќе се движи од минимални 8 до максимални 21 степен.
Прогноза за наредните денови:
До четврток: Променливо облачно со услови за локални врнежи од дожд. Во четврток врнежите ќе бидат пообилни, особено во источните делови, каде што се очекуваат и ретки грмежи.
Петок: Претежно облачно време.
Сабота: Сончево со мала до умерена облачност.
Недела: Претпладне сончево, а попладне повторно услови за дожд, претежно во западните делови.
