(Видео)Четворица загинати и 28 повредени во украински напад со дронови на Крим

Четири лица загинале, а 28 се повредени во напад со украински беспилотни летала на Крим.

Ова го соопшти кримскиот гувернер Сергеј Аксјаонов.

Според руските власти, нападот бил изведен на Керченскиот Полуостров.

Информацијата ја пренесоа и меѓународни агенции, повикувајќи се на руските и кримските власти.

Аксјаонов: Има жртви меѓу цивилното население

Аксјаонов на Телеграм напиша дека има жртви меѓу цивилното население.

„За жал, како последица на нападите со непријателски дронови има жртви меѓу цивилното население. Четири лица загинаа, а 28 се повредени“, објави тој.

Украинската страна не излезе со директен коментар за бројот на жртви во оваа конкретна објава.

Last night, our long-range sanctions targeted the occupiers’ military logistics, oil industry, and air defense. All of this is a just response to Russia’s brutal attacks against our people. I thank the warriors of the Security Service of Ukraine, the Unmanned Systems Forces, the… pic.twitter.com/90APquETQT

— Volodymyr Zelenskyy / Володимир Зеленський (@ZelenskyyUa) June 21, 2026

Погодено подрачје кај Керченскиот Проток

Според оперативниот штаб на Краснодарскиот крај, еден од дроновите го погодил подрачјето на трасата Панагија.

Станува збор за локација во близина на Керченскиот Проток, во реонот на Темрјук.

По ударот избувнал пожар на нафтен терминал во селото Чушка.

Локалните власти во Краснодарскиот крај соопштија дека напад погодил објект за транспорт на нафта, а Reuters објави дека украинскиот претседател Володимир Зеленски потврдил удари врз таква инфраструктура.

Материјална штета врз приватни куќи

Делови од соборени дронови паднале врз приватни куќи во две општини.

Притоа била причинета материјална штета.

Засега нема дополнителни детали за обемот на штетата.

Русија тврди дека соборила 239 дронови

Руското Министерство за одбрана соопшти дека во текот на ноќта биле соборени 239 украински дронови.

Според руската страна, дроновите биле соборени над повеќе региони.

Меѓу нив се Крим, Краснодарскиот крај и Црното Море.

Reuters и AP исто така објавија дека руското Министерство за одбрана соопштило бројка од 239 соборени дронови во текот на ноќта.