Голем пожар попладнево се шири во парк-шумата Гази Баба во Скопје, при што според фотографиите од терен, огнот зафатил поголема површина од шумскиот појас.
Во моментот нема официјални информации од надлежните институции за размерите на пожарот, ниту за тоа дали се ангажирани противпожарни екипи и каква е состојбата на терен.
Огнот зафатил поголем простор
Според фотографиите што кружат во јавноста, густ чад се издига над парк-шумата, а пламените јазици се забележуваат на поголема површина, што упатува на сериозен пожар.
Засега не се познати причините за избувнувањето на огнот, ниту дали постои опасност пожарот да се прошири кон други делови од шумата или кон околните населени места.
Засега без официјални информации
И покрај сериозноста на ситуацијата, до овој момент од Центарот за управување со кризи (ЦУК) нема официјално соопштение или информација за пожарот.
Се очекува надлежните институции во текот на денот да излезат со повеќе детали за состојбата на терен, како и за мерките што се преземаат за локализирање на пожарот.
One thought on “Се шири голем пожар во Гази Баба”
Comments are closed.